CAGAYAN DE ORO CITY – Dakong uyon si City Mayor Oscar Moreno nga isibog ang brgy ug SK elections gikan Mayo 2020 ngadto sa Oktubre 2022.
Kini human gihangyo ni Pres Rodrigo Duterte ang mga magbabalaod sa iyang ikaupat nga SONA nga magpasar balaodnon nagtumong pagsibog niini.
Namahayag si Moreno nga angay lamang hataga’g lugway ang katuigan sa bag-ong napili nga mga kapitanes kay aron makahimo pa sila’g daghang mga proyekto ug serbisyo sa ilang katawhan sa kabarangayan.
Una usab niini,suportado nila ni ABC Federation president Kag Alam Lim sa Cagayan de Oro ug Board Member Leonard Winstanley sa Misamis Oriental ang sugyot ni Duterte nga pagsibog sa brgy ug SK elections sa nasud.
