CAGAYAN DE ORO CITY – Gikatag sa Police Regional Office 10 ang ilang igong puwersa aron hatagan sa proteksyon batok sa posibleng mga pagpanabotahe ang mga kandidato gikan sa nasyonal ug lokal sa dakong political rally sa tandem nila ni kanhi Sen Bongbong Marcos ug Davao City Mayor Inday Sara Duterte sa Pelaez Sports Center sa syudad unyang gabii.
Kini human isulti sa political rally organizers nga anaa sa inisyal nga 150-mil ka tawo ang lauman nga motambong gikan sa nagkadaiyang bahin sa rehiyon sa kalihukan.
Gibutyag ni Police Regional Office 10 spokesperson Lt Col Michelle Olaivar nga wala pa’y labot niini ang ubang puwersa ilabina ang presensiya sa Presidential Security Group tungod kay anaa ang anak sa presidente.
Gikaro sa opisyal nga walay makapugong kanila paghatag seguridad sa bisan kinsa nga mga kandidato nga mohimo’g political rally sa syudad.
