CAGAYAN DE ORO CITY – Gipadala ni City Mayor Oscar Moreno ang team sa CDRRMD aron mohatag ayuda sa katawhan nga apektado sa 6.9 magnitude nga linog sa Padada,Davao del Sur.
Kini human naglisod ang local govt units sa maong lugar sa rescue operations sa mga biktima nga nalukong sa nahugnong mga gambalay miaging Domingo sa hapon.
Miingon si Moreno nga bitbit usab sa CDRMMD team ang 5 milyon pesos cash ug goods alang sa mga pamilya nga apektado.
Dumduman nga walo ka tawo na ang kumpirmadong patay sa maong linog.
Sa miaging Nobyembre ning tuiga,nagpadala usab ang CdeO ug Misamis Oriental local government units sa ayuda sa mga taga-Davao tungod sa epekto sa kusog nga linog.
