CAGAYAN DE ORO CITY – Nagbaton na sa 11 ka pasyente nga positibo sa coronavirus disease ang kompirmadong namatay sa syudad.
Kini tungod sa kamatayon sa laing duha ka pasyente samtang ubos sa medikasyon nga gilakipan sa returning OFW sa miaging semana.
Miingon si City Health Office head Dr Lorraine Nery nga sa mil-346 nga kaso sa bayrus sa Northern Mindanao,291 niini ang gikan ning syudad ug may aktibong kaso nga 84 ka pasyente.
Gibutyag ni Nery nga sa 291 usab ka kaso,nagbaton na sa 196 ang naka-rekober tungod sa 16 nga napuno kagahapong adlawa.
Samtang misaka na sa 15 ka lain-laing lugar sa syudad ang nasudlan sa local transmission sa COVID-19.
Kini hinungdan nga nagbaton sa 291 ka kaso ang dakbayan diin kabahin niini ang local transmission nga nagsumikad sa nagkadaiyang brgy sa dakbayan.
Miingon si CHO city epidemiologist Dr Joselito Retuya nga kabahin sa nasudlan sa bayrus ang porsyon sa Barra,Brgy Macabalan, Zone 1 CILRAI District 7, Brgy Puntod, Purok 4-A sa Brgy Gusa, Zone 3 sa Brgy Bayabas,Sitio Gemelina Gawad Kalinga sa Brgy Bugo,Sitio Macapaya ingon man Sta.Cruz sa Brgy Camaman-an ug Zone 7 sa Brgy Carmen ning syudad.
Gibutyag usab ni Retuya nga pipila ka lugar ang wad-on na sa local lockdowns ning semanaha kay matibawas na ang 14-day mandatory quarantine status.
