CAGAYAN DE ORO CITY-Padayong giimbestigaran sa kapolisan ang paglungkab sa pinuy-anan ni Kag Reuben Daba sa Fontriera Subdivision sa Grand Europa,Barangay Lumbia ning syudad.
Kini human nakuha sa mga milungkab niini ang balor 2 milyon pesos nga mga alahas gikan sa maong biktima.
Miingon si Cagayan de Oro City Police Office spokesperson Supt Mardi Hortillosa nga gipakatag na ang tanang operatiba aron masulbad ang kaso.
Hinoon,ituki sa kadagkuan sa COCPO ang maong suliran sa ilang command conference ning adlawa.
Nasayran nga giila pa ang syudad sa Asya nga usa sa mga labing luwas nga syudad ning tuiga.
