CAGAYAN DE ORO CITY- Daghan pang brgy sa syudad nga nabaha-an ang hangtud karon wala pa
nakadawat ug ayuda gikan sa City Hall sukad gibahaan niadtong Enero 16 ning tuiga.
Kini ang gikompirmar ni Kag. Leon Gan human miduol ngadto kaniya ang mga opisyal sa 5 ka brgy sa dakbayan kansang mga residenteng nabiktima sa baha ang wala pa nakadawat ug ayuda pinaagi sa CSWD.
Matud ni Gan nga grabe ka langan ang pagtunol ug ayuda sa CSWD ubos ni Executive Officer Teddy Sabuga-a.
Samtang gibutyag ni Sabuga-a nga gisagulan na usab sa pagpamulitika ni Gan ang ilang pagtunol ug ayuda sa flood victims.
Si Sabuga-a namahayag nga may mga barangay nga nalangan ang ilang paghatag ug hinabang
gumikan sa langan usab nga pagsumiter sa mga brgy kapitan sa listahan sa mga pamilyang apektado ug
baha sa ilang barangay.
Hisayrang tungod sa maong pagbaha,kapi’g 4-mil ka pamilya ang apektado ug minilyong kantidad sa negosyo ang nalugi hinungdan nga napaubos sa state of calamity ang syudad.
