CAGAYAN DE ORO CITY – Gihagit sa grupong CdeO People’s Forum -Hugpong ng mga Nagpakabanang Kagay-anon si City Mayor Oscar Moreno nga ipaubos na sa enhanced community quarantine ang syudad.
Kini samtang wala pa’y grabeng kaso sa positibong pasyente sa coroanvirus disease pandemic nga nakasulod sa dakbayan.
Miingon si Keith Paasa,tigpamaba sa maong pundok nga angay buhaton sa syudad ang ‘innovative delivery of basic services’ sa katawhan aron dili mosamot ang ilang kalisdanan.
Gihimong pananglitan ni Paasa ang brgy kapitan sa Valencia City nga positibo sa bayrus dihang natakdan samtang miapil sa cockpit derby sa Matina,Davao City sa miaging Marso ning tuiga.
Samtang giitin-aw ni City Mayor Oscar Moreno nga hugot ang iyang pakig-koordinar sa Department of Health o DoH sa posibilidad nga ipaubos sa enhanced community quarantine ang syudad.
Kini ang tubag sa alkalde dihang subling gipanawagan sa CDO People’s Forum-Hugpong sa mga Nagpakabanang Kagay-anon ang deklarasyon nga ECQ human masuta nga adunay Kagay-anons nga miapil sa cockfighting derby sa Davao City sa miaging bulan.
Gipamugos ni Moreno nga mag-agad siya sa desisyon sa DoH apan paningkamutan niini nga dili mapaubos sa ECQ ang syudad ilabina nga deskriminasyon kini sa mga kabus a dakbayan.
