CAGAYAN DE ORO CITY – Idangop sa grupong CdeO People’s Forum kang Pres Rodrigo Duterte ang manifesto diin nagtumong paghangyo kang City Mayor Oscar Moreno nga ipaubos na sa enhanced community quarantine batok coronavirus ang syudad.Kini human na
gdumili si Moreno paghatag sa maong hangyo sa kabalaka nga daghan ang matakdan sa maong sakit CdeO People’s Forum convenor Dr Meleneo Navarro nga dili nila igsapayan kon wala tagda sa mayor ang ilang hangyo kay isaka nila kini sa kauluhan.
Una nang namugos si Navarro nga dili politika apan prioridad sa proteksyon sa panglawas sa katawhan ang ilang katuyuan sa maong manifesto.
Samtang gipasalamatan ni Moreno ang hugpong sa mga doktor ug ubang propesyonal nga naghuna-huna sa mas ikaayo pa sa panglawas sa katawhan sa syudad.
Miingon si Moreno nga gustuhon man niini nga ipaubos sa enhanced quarantine ang syudad apan wala kini i-rekomendar mismo sa Dept of Health 10 ang maong lakang.
Kini ang hinungdan nga samtang wala ang rekomendasyon,gipahugtan niini ang checkpoints,istrikto ang curfew hours ug gipasira ang mga balay patigayon nga dili kinahanglanon samtang nag-atubang sa krisis ang dakbayan.
Namugos ang mayor nga maglisod kini’g hatag sa maong demanda ilabina nga politika ang motibo sa nagpaluyo niini.
