CAGAYAN DE ORO CITY-Plano sa Cagayan de Oro City Police Office o COCPO nga mangayo’g dugang pwersa sa umaabot May 2019 midterm elections sa syudad.
Kini kun ugaling ibasura sa PNP headquarters ang ilang hangyo nga wagtangon ang Cagayan de Oro City sa hotspot category.
Gibutyag ni COCPO spokesperson Police Supt Mardi Hortillosa nga prayoridad nila nga butangan sa mga pulis ang mga lugar ang adunay election related cases.
Una nang gibulgar ni Hortillosa nga nagpadala sila’g request sa PNP-10 padulong sa Camp Crame aron wagtangon ang dakbayan sa listahan isip hotspot sa umaabot piliay.
Samtang giangkon ni Hortillosa nga makawala sa kredibilidad ang pagkalakip sa Cagayan de Oro City sa listahan isip hotspot sa umaabot piliay.
Kini ang rason kon nganong gipaningkamutan nila nga mawala sa listahan ang dakbayan.
Asoy ni Hortillosa nga dako ang posibilidad nga maapektuhan usab ang ihap sa mga turista nga mobisita tungod sa sayop nga pagtoo nga delikado bisitahan ang maong dakbayan.
Dugtong niini, gipasalig ni Hortillosa nga ilang himoon ang tanan aron dili mawala ang kumpyansa sa mga turista sa syudad.
