CAGAYAN DE ORO CITY – Nagkinahanglan ang kapolisan sa dugang warning device, barikada, katulgan,sakyanan ug portalets nga ilang magamit sa nagkadaiyang check point area sa syudad.
Kini human nakita sa Cagayan de Oro City Police Office o COCPO kon unsa ka lisod ang kahimtang sa mga pulis nga anaa sa checkpoints diin nag-atubang sa peligro ilang mga kinabuhi.
Gibutyag ni COCPO spokesperson C/Insp Mardy Hortillosa II nga hangtud karon, padayon ang ilang pagpasabot sa sa publiko nga magmakalmahon sa ilang pagpara sa mga pribado ug pampublikong sakyanan kay kabahin kini sa gipatumang pre-cautionary measures aron dili masudlan sa dautang grupo ang syudad.
Kinasing-kasing usab nga gipasalamatan sa COCPO ang tanan indibidwal nga mitunol ug pagkaon sa mga pulis nga sobra nga oras sa trabaho gikan sa gatos nga mga checkpoint areas ning syudad.
