CAGAYAN DE ORO CITY – Nagbahad si Police Regional Office -10 Regional Director Brig Gen Rolando Anduyan nga iyang langkaton sa puwesto si City Police Director Colonel Henry Dampal.Kini kon ugaling dili masulbad sa pinakadaling panahon ang kasong pag-ambush patay kang Lumbaca-Unayan Municipal Mayor Somerado Guro ingon man sa kapikas niini diha sa Brgy Iponan ning syudad.
Miingon si Anduyan nga iya nang gi-relieve sa puwesto si Bulua Police Station Commander Major Aldren Baculio gumikan sa hitabo.
Siya miingon nga kinahanglang madakpan ug mabilanggo ang mga suspek sa krimen.
Nagtoo si Anduyan nga hired killers ang mipatay sa mayor ug nabalaka ang opisyal nga posibleng mohimo pa kini’g laing krimen sa siyudad kon ugaling dili madakpan.
