CAGAYAN DE ORO CITY-Langkaton ni City Police Director Sr Supt Roy Bahian ang mga pulis nga mogawas nga positibo paggamit sa gidiling droga dinhi sa syudad.
Kini human gipaubos niya sa suprise drug test ang gatusang kapolisan sa nagkadaiyang police stations sa Pelaez Sports Center sa syudad kagahapong adlawa.
Matud ni C/Insp Mardy Hortillosa II,tigpamaba sa Cagayan de Oro City Police Office nga paagi kini ni Bahian aron dili na sagabal ang pipila ka pulis sa ilang anti-illegal drugs operation sa syudad.
Unang nanganti si Bahian nga himoong drug-free ang syudad ubos sa iyang pagdumala.
Samtang posibleng milaylo na paggamit sa gidiling droga ang pipila ka pulis nga unang napaubos sa counter-intelligence monitoring sa City Intelligence Unit o CIU sa Maharlika Headquarters sa syudad.
Gibutyag ni CIH head C/Insp Ariel Philip Pontillas nga may pipila ka pulis sila nga gipaubos sa pag-imbestigar kay naggamit sa droga apan nasuta nga dili diay tinood.
Apan,gipanganti ni Pontillas nga magpadayon sila sa pagpaniid sa ilang mga kauban subay sa internal cleansing program sa PNP.
