CAGAYAN DE ORO CITY-Gisigundahan sa laing surprise drugtest ang mga pulis nga ubos sa Cagayan de Oro City Police Office o COCPO ning syudad kagahapong adlawa.
Kini tungod sa gipakusog nga internal cleansing sa PNP batok sa pipila ka pulis nga nalambigit sa paggamit sa gidiling droga.
Gibutyag ni COCPO spokesperson C/Insp Mardi Hortillosa nga kabahin sa gipaubos sa PNP-Crime Lab ug PDEA-10 sa drug test ang mga personahe sa City Mobile Force Company.
Sa miaging Disyembre 13,gipaubos gihapon sa drug test ang mga pulis sa COCPO apan giingong pulos nag-negatibo.
Sulod usab ning semanaha,gilusad usab ang surprise drugtest sa mga opisyal sa PNP-10 sa Camp Alagar ning dakbayan.
Una nang gibutyag ni PNP regional spokesperson Supt Lemuel Gonda nga pagkatangtang sa trabaho ang
dangatan sa bisan kinsa nga pulis nga makit-ang positibo nga naggamit sa gidiling droga.
