CAGAYAN DE ORO CITY-Gi-relib sa iyang trabaho si Police Sr/Insp Stephen Latar ug gipaubos sa City Holding and Accounting Office o CHAO sa Cagayan de Oro City Police Office o COCPO sa syudad.
Kini human akusahi si Latar nga midagmal sa iyang kaipon nga nagresulta pagkaso batok kaniya sa piskalya ning dakbayan.
Si COCPO spokesperson C/Insp Mardy Hortillosa II miingon nga hayan dis-armahan usab nila si Latar kon hingpit nang mahuptan sa korte ang kaso nga gipasaka sa iyang live-in partner.
Si Latar ang graduwado sa PNPA ug kasamtangang nadestino sa City Public Safety Company o CPSC sa COCPO sa syudad.
Gibutyag ni Hortillosa nga gipaubos una nila si Lantar sa City Holding and Accounting Office sa COCPO samtang gihulat nila ang paglugwa sa case resolution gikan sa City Prosecutors Office nga nagresolbar niini.
