CAGAYAN DE ORO CITY-Gi-alerto karon sa Cagayan de Oro City Police Office o COCPO ang ilang tropa nga gikatag sa bukirang bahin sa syudad.
Kini human nasiplatan ang armadong pundok nga nagbaras-baras sa Brgy Tuburan sa syudad.
Si COCPO spokesperson C/Insp Mardy Hortillosa II miingon nga posibleng rebeldeng New People’s Army o bandidong grupo ang nakit-an sa katawhan sa maong lugar.
Gipasalig ni Hortillosa ang seguridad sa katawhan dinhi sa dakbayan.
Hisayrang sa miaging bulan ning tuiga,nangbakwit ang gatusang pamilya sa pipila ka hinterland barangays tungod sa pagpakita sa daghang rebeldeng NPA.
