CAGAYAN DE ORO CITY-Dili kumbinsido ang kapolisan nga tungod sa presyur sa trabaho naghikog-patay ang maestro sa pampublikong tunghaan diha sa Upper Balulang sa syudad sa miaging adlaw.
Kini ang gibutyag ni Carmen Police Station deputy commander Sr/Insp Mario Mantala Jr sa padayon nilang pag-imbestigar sa kamatayon ni William Jurado kinsa magtutudlo sa Fr William Masterson Elementary School sa maong dapit.
Si Mantala miingon nga may lain pa silang nasayra nga hinungdan kon nganon nagpusil-patay ang biktima gamit ang kalibre 45 nga armas.
Sa pagkakaron,gihulat ni Mantala ang resulta sa otopsiya sa patay’ng lawas sa biktima.
