CAGAYAN DE ORO CITY- Nakaseguro ang kadagkuan sa Cagayan de Oro City Police Office o COCPO nga katoohan ang resulta sa drug test sa kapolisan sa dakbayan.
Ang pahayag gihimo ni COCPO spokesperson C/Insp. Mardy Hortillosa human migawas sa resulta sa drug test nga pulos nag- negatibo sa pag-gamit sa ginadiling druga ang mga pulis sa syudad.
Si Hortillosa miingon nga misalig sila sa kredibilidad sa PNP-10 Crime Lab, busa hugot ang ilang pagtoo nga walay sagul nga binu-ang ang ilang gipagawas nga resulta.
Alayon niini, miingon si Hortilloza nga nawala ang gibating kabalaka ni City Police Director Sr/Supt. Roy Bahian ug kampante kining mahatagan pa ug ngipon ang ilang gilusad nga ‘Oplan Tokhang part-2.
Samtang nanganti si Hortillosa nga magpadayon ang ilang kampaniya batok sa mga pulis nga nalambigit sa illegal drugs.
Matud ni Hortillosa nga dili mahunong ang ilang internal cleansing bisan kon nagpositibo sa gihimong surprised drug test ang mga pulis sa syudad.
Si Hortillosa namahayag nga subli silang magpahigayon sa surprisang drug test kon may madawat silang report gikan sa publiko nga may mga pulis gihapon sa COCPO nga nalambigit sa illegal drugs.
