CAGYAN DE ORO CITY-Mohimo’g counter intelligence checking ang kapolisan kabahin sa gibutyag sa police station commanders nga nangawala na ang illegal nga mga pasugal sa ilang tagsa-tagsa ka area of responsibility o AOR dinhi sa syudad.
Gibutyag ni C/Insp. Mardy Hortillosa,tigpamaba sa Cagayan de Oro City Police Office o COCPO nga gidawat nila ang report sa mga police station commander apan dili pa kini final kay may validating team pa nga mohimo’g counter-checking niini.
Gihimo sa kapolisan ang kusganong pagkugod sa ilegal nga mga pasugal sa syudad subay usab sa ultimatum ni PNP chief Dir Gen Ronald de la Rosa kay kon dili mapalagpot sa puwesto si Police Regional Director C/Supt Tim Pacleb.
Samtang dad-on ni Kag Romeo Calizo sa hawanan sa konseho ang pahayag sa kapolisan nga nahimo nang illegal gambling free na ang syudad.
Kini human dili kumbinsido si Calizo kinsa chairman sa komite sa police,fire and public safety nga nawagtan ang na ang tanang klase sa pasugal nga naghitak sa dakbayan.
Gani,kumbinsido si Calizo nga dili makasulod ang mga pasugal sa kabarangayan kon tinud-anay lamang nga buhaton sa kapolisan ug brgy officials ang ilang mga trabaho sa pagsanta niini.
