CAGAYAN DE ORO CITY-Hatagan sa pasidungog ang duha ka police officer ug usa ka empleyado sa city hall ning adlawa alayon sa flag raising ceremony sa Cagayan de Oro City Police Office o COCPO.
Sa pakighinabi sa Bombo Radyo kang COCPO spokesperson C/Insp Mardy Hortillosa nga makadawat sa plake ang wala pa nganli nga empleyado sa city hall nga nakatabang sa pagdakop sa snatchers diha sa Ysalina Bridge.
Samtang ang duha ka police hatagan sa sertipiko nga nagpamatood sa ilang aktibo nga pagdakop sa mga dautang elemento sa syudad.
Walay gibutyag nga cash reward ang COCPO sa awardees ning adlawa.
Hisayrang sa miaging semana,may mga personahe usab sa Roads and Traffic Administration o RTA ang gipasidunggan gihapon tungod sa ilang pagtabang sa anti-criminality campaign sa kapolisan sa syudad.
