CAGAYAN DE ORO CITY-Namugos ang liderato sa Cagayan de Oro City Police Office o COCPO nga wala mag-collapse ang seguridad nga gipatuman sa syudad.
Kini bisan nga pabiling anaa sa estado sa martial law ang syudad tungod sa hadla sa mga terorista sa Mindanao.
Gihimo ni COCPO spokesperson Supt Mardi Hortillosa ang depensa bisan sa sunod-sunod nga kaso sa pagpanulis sa syudad diin may usa ka tawo na ang gipusil-patay ug laing usa ang nadunggaban sa mga tulisan.
Gibutyag ni Hortillosa nga nga obligasyon dili lamang sa kapolisan ang pagmintinar sa kahusay’g kalinaw apan bisan sa mga negosyante nga target sa mga tulisan.
Nasayran gawas sa gitulis-patay nga empleyado sa Brgy Tablon sa miaging semana,duha ka convenience stores usab ang natulis sa magkalahing lugar sa syudad ning semanaha.
