CAGAYAN DE ORO CITY- Gihagit karon sa bag-ong pili nga mga opisyal sa Cagayan de Oro Press Club o COPC ang tanang sakop sa prensa nga ipabilin ang patas ug pagka-matinud-anon sa mga pagtuki sa mga isyung katilingbanon.
Gihimo ni COPC president Msgr Elme Abacahin ang hagit nunot sa iyang subli pagkapili isip pangulo sa maong hugpong sa gihimong general assembly ug election dinhi sa syudad sa miaging semana.
Giawhag usab ni Abacahin ang mga komentarista nga dili wad-on ang paghatag bili sa dignidad sa mga tawo nga ig-on sa komentaryo apan angay nga kini hatagan gihapon sa pagtahod.
