CAGAYAN DE ORO CITY – Masaligon si Cagayan de Oro 2nd District Rep. Rufus Rodriguez nga ibasura sa Korte Suprema ang quo warranto petition nga giduso ni Solicitor General Jose Calida batok na sa dako nga TV network kagahapong adlawa.
Miingon si Rodriguez nga ang Kongreso lamang ang adunay gahom nga mo-revoke o mo-renew sa franchise sa ABS-CBN network.
Una nang gihangyo ni Calida ang Korte Suprema nga bakwion ang legislative franchise sa maong TV network tungod sa mga kasupakan sa legislative franchise niini.
Samtang gipasalig ni Rodriguez nga ipadayon gihapon sa Kongreso ang pagdungog sa mahimong kapalaran sa franchise sa ABS-CBN network.
Kini taliwala sa giduso nga quo warranto petition ni Solicitor General Jose Calida sa Korte Suprema.
Sumala pa ni Rodriguez nga ilang ipadayon ang paggamit sa ilang gahom ug constitutional duty nga hukman kon angayang i-renew ang franchise sa dako nga tv network.
Una nang gitawag ni Rodriguez nga “assault to constitutional press freedom ug separation of powers of the judiciary and the legislature ang gihimo ni Calida.
