CAGAYAN DE ORO CITY – Kapanalipdan na batok sa mga dagkong pagbaha ang katawhan nga nanimuyo pipila ka metros gikan sa lokasyon sa Cagayan de Oro river ning syudad.
Kini ang mahinangupon nga mensahe ni City Mayor Klarex Uy alayon sa pagdawat niini sa porsyon sa 8.5 bilyones pesos nga national ug Japanese govts funded projects alang sa katawhan sa syudad.
Miingon ang mayor nga magsilbi usab kining dugang tourist attraction alang sa mismong mga residente sa dakbayan ug sa mga bisita gikan sa lain-laing lugar sa nasud.
Ang maong proyekto epekto sa pagbaha nga dala sa bagyong Sendong diin sobra libo ka tawo ang patay ug laing gatusan pa ang missing niadtong tuig 2011.
Samtang giikasubo ni kanhi City Mayor Oscar Moreno nga napakyas ang kasamtangang liderato sa city hall nga maapil pagkahuman sa maong proyekto ang porsyon sa Brgy Macasandig ning dakbayan.
Kini human gisulti ni Moreno nga daw kulang sa hinanawan ang administrasyon ni Uy kon giunsa pag-atiman sa city govt ang libuang mga pamilya nga apektado sa pagtukod sa maong proyekto sugod tuig 2018.
Apan sa laing bahin,nalipay na lang usab ang kanhi mayor nga nakit-an sa kadagkuan sa DPWH ang tinud-anay nga suliran nga giatubang sa katawhan sa Brgy Macasandig nga grabeng apektado sa bagyong Sendong sa tuig 2011.
Samtang ang wala mahibaw-i ni Moreno nga gilayong gipaabot ni Uy ang suliran sa Brgy Macasandig kang DPWH Secretary Engr Manuel Bono-an ug sa Korean govt officials ang lehitimong yangu-ngo sa katawhan sa maong brgy.
Miingon ang mayor nga unta dili na langanon sa national govt ang pagtiwas sa nabiling 420 metros nga wala pa mahuman sa maong barangay aron kumpleto na ang maong proyekto.
