CAGAYAN DE ORO CITY – Luwas batok sa coronavirus infections si Cagayan de Oro Archbishop Jose Cabantan ug ang ubang lumilihok sulod sa Bishop’s House nga tupad diha sa Sr San Agustin Metropolitan Cathedral ning syudad.
Kini human gikompirmar ni Cagayan de Oro Archdiocese Consultor Msgr Rey Monsanto kinsa kura paroko sa Our Lady of Fatima Parish nga unang positibo sa bayrus si Rev Fr Macky Ceballos nga kauba’g puyo ni Cabantan sa Archbishop’s Palace ning dakbayan.
Gibutyag ni Monsanto nga hayan magbalik na’g abli ang buhatan sa arsobispo kon may pagtugot na sa nag-disinfect niini sa miaging semana.
Samtang positibo usab sa bayrus si Msgr Perceus Cabunoc sa Sr Jesus Nazareno Parish ug laing usa pa ka pari nga nadestino sa simbahang Katolika sa Misamis Oriental.
