CAGAYAN DE ORO CITY-Molugwa karong adlawa ang resulta sa gilusad nga random mandatory drug test diin gipanguluhan ni City Vice Mayor Rainer Joaquin ‘Kikang’ Uy diha sa konseho ning syudad.
Kini alayon gisaad sa konseho nga ipaubos nila sa drug test ang kapin 6-mil ka empleyado nga naglakip kanila nga mga pinili nga opisyal isip kusganong suporta sa anti-drug campaign ni Pres Rodrigo Duterte.
Gibutyag ni Kag Romeo Calizo,chairman sa komite sa police,fire and public safety sa konseho sa syudad nga atol sa drug test nga gihimo sa PDEA-10 kanila,bugtong sila si Konsehal Bong Lao ug Kag Eric Salcedo lamang ang wala makuha-i tungod sa ila usab kay wala sila makatambong sa session kagahapong adlawa.
Gipanganti ni Calizo nga gilayon nila isunod ang kapin 6-mil ka trabahante sa city hall sa drug test sa mga mosunod nga adlaw.
Dugtong niini,dili pa linggawas sa random mandatory drug test ang mga opisyal gikan sa 80 ka brgy nga nakabase sa syudad.
Panganti kini ni Uy human niini ang pangulahi ang pagpa-drug test nga gilusad sa PDEA-10 sulod sa konseho sa syudad kagahapon sa hapon.
Nangayo usab kini’g pagsabot sa publiko kon nganong nalangan ang paglusad sa drug test ilabina nga naglisod sila sa paghupot sa inisyal nga 1.2 milyon pesos nga pondo alang niini.
Una nang init nga isyu ang sugyot sa drug test tungod sa pagkasikop sa pipila ka empleyado sa syudad nga nagbaligya ug naggamit sa gidiling droga sama sa shabu.
Samtang ipaubos gihapon sa hugot nga monitoring sa kapolisan ug PDEA-10 ang mga empleyado sa city hall bisan nga sila molugwa nga negatibo sa pag-drug test kanila ning syudad.
Kini sa pagsiguro nga mahimong ‘drug-free’ ang mga empleyado sa city hall ug ilabina ang mga pinili nga opisyal sa dakbayan.
Namahayag si C/Insp Mardy Hortillosa,tigpamaba sa Cagayan de Oro City Police Office o COCPO nga gikalipay nila ang inisyal nga drug test sa city hall diin mismo gipanguluhan ni ‘ Uy ug mga konsehal sa konseho sa syudad kagahapong adlawa.
