CAGAYAN DE ORO CITY-Ipaubos sa hugot nga pagsusi ang tanang kargamento ug mga pasahero nga mosakay sa passenger vessels nga mosulod ug gawas sa pantalan sa Northern Mindanao.
Kini human gi-obligar sa Philippine Coast Guard Northern Mindanao ang tanang shipping companies nga mopatuman sa hugot nga seguridad aron dili makalusot ang mga sakop sa teroristang Maute nga tuyo mosibat sakay sa mga barko palayo sa Marawi City.
Gibutyag ni PCG Norther Mindanao District Commander Capt Leo Penapio nga ila kining gihimo ilabina nga walo ka tawo na ang nasikop nila gitoohang sakop sa Maute group agi sa pantalan sa syudad ug padulong unta sa kauluhan ning semanaha.
