CAGAYAN DE ORO CITY – I-apelar ni Cagayan de Oro 2nd District Rep Rufus Rodriguez kang DoJ Sec Menardo Guevarra ang findings sa city prosecutors nga unang naghawid sa kasong pagpatay kang late PMA Cadet 4th Class Darwin Dormitorio didto sa Baguio City.
Kini human gusto ni Rodriguez nga dili maka-eskapo sa criminal liability sila si resigned PMA Supt Lt Gen Ronnie Evangelista ug Commandant of Cadets Brig Gen Bartolome Vicente Bacarro sa kamatayon ni Dormitorio.
Himoon sa kongresista nag lakang tungod kay pipila ka militay hospital officials ug PMA cadets lamang ang nakasuhan sa anti-hazing law violation ug murder sa korte sa Baguio City ning semanaha.
Samtang tun-an pa sa pamilya Dormitorio ug sa ilang legal team ang sunod nga mga lakang kabahin sa resulta sa gipasaka nila nga mga kaso batok sa kadagkuan sa PMA ug pipila ka kadete nga gitoohan nila nga responsable sa kamatayon ni Cadet 4th Class Darwin Dormitorio.
Miingon ang igsoon ni Darwin nga si Dexter Dormitorio nga gusto nila masiguro nga dili masayang ang gihingusgan nila nga mga kaso batok kanila ni resigned PMA Supt Lt Gen Ronnie Evangelista,Commandant of Cadets Brig Gen Bartolome Vicente Bacarro ug sa pipila ka kadete nga nalambigit sa kremin.
Una nang dismayado ang pamilya kay wala malakip pagkaso si Evangelista,Bacarro ug ubang PMA cadets kay giingong walay lig-ong ebedensiya batok kanila.
