CAGAYAN DE ORO CITY- Gisakmit ni Taekwondo player Michael Porras Jr ang pagsilbing medal record holder sa Palarong Pambansa ning tuiga didto sa Antique.
Kini human nahuptan ni Porras ang 4 ka medalyang bulawan sa Taekwondo event nga wala sukad mahitabo sa kasaysayan sa Palarong Pambansa sa nasud.
Si Taekwondo Team manager Dr Rosalio Vitorillo miingon nga nalabwan usab nila ang lima ka medalyang bulawan sa 2016 Palarong Pambansa diin 9 ang nakuha sa Northern Mindanao Regional Athletics Association o NMRAA ning tuiga.
Una usab niini,laing tulo ka Cagay-anons nga kabahin sa NMRAA delegates ang nakakuha’g medalyang bulawan sa dulang Taekwondo sa Palarong Pambansa sa Antique ning tuig.
Sa kasamtangan,ang NMRAA ang nagbaton na sa 15 ka gold,14 silvers ug 29 bronze medals sa maong kompetisyon ning tuiga.
