CAGAYAN DE ORO CITY-Mireklamo na sa komitiba on public utilities sa konseo ang mga taxi drayber sa syudad.Kini tungod kay nagkaubos ang ihap sa mga pasahero sa taxi tungod sa taas nga pletihan.
Gibutyag ni City Councilor Bong Lao, chairman sa komitiba nga mihangyo kaniya ang taxi draybers nga moduso’g resolusyon sa buhatan sa Land Transportation and Franchising Regulatory Board nga kuhaon ang add on nga P2.00 apan magpabilin ang P40.00 nga flag down rate.
Samtang giawhag ni Land Transportation and Franchising Regulatory Board regional director Allan Guru ang konseho sa syudad ingon man ang taxi draybers nga moduso’g resolusyon sa ilang buhatan.
Kini may kalabutan sa hangyo sa taxi draybers nga kuhaon ang add on nga P2.00 apan magpabilin ang P40.00 nga flag down rate sa mga taxi.
Si Guru miingon nga suportado niya ang hangyo sa taxi draybers ug andam siya nga motabang aron kini mapaabot sa LTFRB central office.
