CAGAYAN DE ORO CITY – Wala kalikay sa pagsaway konseho ug gitawag nga ‘comedy of errors’ sa city tourism office ang pakyas nila pagpahibalo’g pormal kabahin sa himoon nga Higalaay Festival Night Market sa Rio de Oro Boulevard sa Agosto ning tuiga.
Namahayag si 20th City Council Majority Leader Kag. Edgar Cabanlas nga agi’g pagdani’g balik sa maong grupo sa mga negosyante,mipalabang sila sa interposing of no objection resolution aron ipadayon ang katuyuan nga konektado sa kapistahan sa dakbayan.
Siya miingon nga angayang dunay ensakto nga koordinasyon ang buhatan sa turismo sa mga sunod nga kalihukan aron dili makurat ang konseho nga dunay mga tinguha nga susama niini.
Apan mibarog usab sa 20th City Council Minority Leader Kag. Ian Achas aron supakon nga ipagamit nga dunay kolektahong bayad ang city govt sa maong mga negosyante.
Namugos si Achas nga supak kini sa balaod ug dili angay tugutan sa konseho.
Apan pag-abot sa botasyon,12 ka konsehal ang pabor sa reolusyon,duha ang nagsupak ug dunay tulo ang nag-abstention kagahapon sa ilang sesyon.
