CAGAYAN DE ORO CITY-Giawhag ni City Treasurer Ramon Mendoza ang mga negosyante nga pahimudsan ang nabiling mga oras sa pag-renew sa ilang business permits ning tuiga.
Kini human abli ang city hall aron modawat sa mga negosyante nga moapas pagkuha’g permits ning adlawa.
Miingon si Mendoza nga miduso na usab sila’g hangyo pinirmahan ni City Mayor Oscar Moreno sa city council aron hatagan sa lugway hangtod petsa 31 sa Enero ang pag-renew sa business permits sa mga negosyante.
Hisayrang anaa sa 23-mil ka business establishments ang nakakuha’g permit sa ilang buhatan sa tuig 2017.
