CAGAYAN DE ORO CITY – Giklaro ni City Mayor Oscar Moreno nga gipaubos niya sa ‘virtually lockdown’ aron pugngan nga may laing residente sa syudad nga matakdan sa coronavirus disease o COVID-19.
Kini maoy tubag ni Moreno batok sa mga miatake kaniya kon nganong hangtod karon wala pa gihapon did-i ang pagsulod gawas sa mga tawo bisan sa positibong kaso sa COVID-19 sa usa ka negosyante nga residente sa syudad.
Miingon si Moreno nga dili niya mapatuman ang ‘full lockdown’ kay nagkahulugan usab kini nga mapugngan ang pagsulod sa mga pasyente nga mga masakiton gikan sa ubang Mindanao regions ug food supply cargoes nga alang dinhi sa syudad.
Samtang gikadismaya ni Moreno ang pag-leak sa confidential text message ni City Health Office head Dr Lorraine Nery ngadto kaniya kabahin sa sensitibong impormasyon sa coronavirus disease crisis sa syudad.
Kini human gipasa-pasa sa pipila ka taga- CHO ang mensahe ni Nery diin nalatid nga angay nang ipaubos sa enhanced community quarantine kay may duha ka positibong COVID-19 cases na nga anaa sa Northern Mindanao Medical Center.
Miingon si Moreno nga may tuyo moguba kang Nery bisan sa paningkamot niini pagsumpo nga may mga residente nga matakbuyan sa maong sakit dinhi sa syudad.
