CAGAYAN DE ORO CITY – Nadugangan ang tahas isip magbabalaod ni Cagayan de Oro 2nd District Rep Rufus Rodriguez sa 18th Congress didto sa kamarabaha.
Kini human sa unang higayon sa kasaysayan sa syudad,natahasan siya ni House Speaker Lord Allan Velasco nga usa sa iyang deputy speakers epektibo kagahapong adlawa.
Miingon si Rodriguez nga wala siya magdahom sa maong katudluan kay kontento na kini sa iyang chairmanship sa committee on constitutional ammendments sa kamarabaha.
Apan bisan niini,nagpasalamat ang kongresista sa pagsalig ni Velasco ug maninguha nga mabuhat ang iyang bag-ong trabaho.
Samtang giila usab nga deputy speaker si Camiguin Lone District Cong Xavier Jesus Romualdo.
Si Rodriguez ug Romualdo ang pulos gikan sa Mindanao bloc sa Kongreso.
Dumduman nga si kanhi Cagayan de Oro 1st District Rep Benjo Benaldo ang nagsilbi usab kaniadto nga majority floor leader sa panahon ni kanhi House Speaker Feliciano Belmonte.
