CAGAYAN DE ORO CITY – Gitawag ni Kag Zaldy Ocon nga bias ang pag-preside ni City Vice Mayor Joaquin Kikang Uy sa special report nga gipalanog ni SK Federation President John Michael Seno batok Kag Lordan Suan.
Miingon si Ocon nga angayang mo-relinquish una sa katungdanan si Uy aron makaapil sa hisgutanan ug kalikayan masaypan nga dunay gipaboran.
Ang pamilya sa bise-mayor ug Suan ang pulos nagbaton sa mga negosyo sa billboards dinhi sa dakbayan.
Samtang gitahasan ni Uy sila si Kag Romeo Calizo ug Kag Eric Salcedo nga panguluhan ang pag-imbestigar sa reklamo ni Seno batok sa illegal billboards nga makita dinhi sa dakbayan.
Kini human unang miani sa pagduda nga bias ang bise-mayor sa maong hisgutanan nga nagsentro kang Suan.
Namugos si Uy nga wala siya’y gipaboran apan gipaminaw lamang ang mga argumento ni Seno kabahin sa pasangil ngadto kang Suan.
