CAGAYAN DE ORO CITY-Daw wala masayod si City Vice Mayor Rainer Joaquin ‘Kikang’ Uy kon nagsugod na pagsilbi si Kag Zaldy Ocon sa silot sa Ombudsman nga unom ka bulan nga pagka-suspenso sa iyang trabaho sa konseho ning syudad.
Kini bisan nga mismo Uy ang presider sa weekly regular sessions sa konseho ning syudad.
Miingon si Uy nga nakadawat na sila notisya gikan sa DILG order apan wala kini masayod kon gipatuman na sa City DILG ang suspension sa iyang kaubang konsehal.
Si Ocon ang guilty sa Ombudsman sa conduct prejudicial to the best interest of the service ug may probable cause ang kasupakan sa Revised Penal Code Article 359.
Kini human sagpa-a niini si Ric Emmanuel Agustin atubangan nila ni RTA asst administrator Engr Nonito Oclarit ug kanhi Task Force Hapsay Dalan overseer Atty Egay Uy.
Katuyuan unta sa pakigtagbo nga husayon ang traffic violation ni Ocon sa merkado Cogon ning syudad niadtong Nobyembre 30,2016.
