CAGAYAN DE ORO CITY-Giuyunan ni Gusa Brgy Kapitan Marlo Tabac ang paglugwa sa PDEA sa pangalan sa suspected brgy narco-politician officials kagahapong adlawa.
Kini human kapin 200 ka brgy officials nga gilangkuban sa kapitan ug konsehales diin 11 niini ang gikan sa Northern Mindanao region.
Miingon si Tabac nga angay lamang ibulgar ang pangalan sa brgy narco-politicians aron mismo masayod ang katawhan sa ilang binuhatan.
Samtang kusganong gisupak ni Brgy 23 chairman Jaime Frias ang paglugwa sa pangalan sa gitoohang narco-politician officials sa nasud.
Kini sukwahi sa baruganan ni Tabac kinsa dakong uyon sa pagbulgar sa mga brgy narco-politician aron masayran sa publiko.
Miingon si Frias nga pagka-ulaw ang gihimo sa PDEA ilabina nga dili pa sila konbiktado sa maong pasangil sa korte.
Nasayran nga ang Brgy 23 ,gitumbok sa PDEA ug PNP nga kabahin sa pinaka-grabeng apektado sa gidiling droga sa syudad.
