CAGAYAN DE ORO CITY-Pugngan sa konseho nga makapadayon sa pag-supply sa tubig ang Metro Pacific Water Consortium sa franchise area sa Cagayan de Oro Water District o COWD ning syudad.
Kini bisan nagsugod na ang MetroPac kuyog ang COWD nga suplayan sa tubig ang 30 porsiento sa mga konsumante sa western side sa dakbayan.
Miingon si Kag Bong Lao,chairman sa public utilities committee sa konseho nga nakaabot na kang Pres Rodrigo Duterte ang ilang hangyo aron rebyuhon ang gisudlang kontrata sa COWD ug MetroPac gikan sa Rio Verde Consortium.
Samtang namugos ang kadagkuan sa COWD nga wala sila mangilad sa katawhan sa pakig-kontrata ngadto sa MetroPac isip hulip sa Rio Verde ning syudad.
Miingon si COWD asst manager for administration Engr Beinvenido Batar Jr nga gisubay nila ang balaod sa gisudlan nila nga transaction.
Dugang ni Batar nga hulaton usab nila kon sila ipatawag sa Philippine Competition Commission o PCC ug korte kabahin sa gihimong pagpatabang sa konseho.
Nasayran nga balor 16 pesos per cubic meter ang baligya nga tubig sa MetroPac sa COWD itandi sa kapi’g 10 pesos lamang kaniadto sa Rio Verde Consortium.
