CAGAYAN DE ORO CITY – Nasakmit sa ikatulong sunod-sunod nga higayon sa city govt ang pasidungog ‘Ang Galing Pook Award’ nga tinuig gihimo sa pribado ug publikong sektor sa kauluhan.
Kini human isundayag sa kagamhanang lokal ang mga programa nga nalatid sa aspeto sa panglawas alang sa katawhan sukad tuig 2013 ubos sa liderato ni City Mayor Oscar Moreno.
Miingon si Moreno nga kini nga kalampusan ang nagdugang kusog ug kadasig aron ipalambo pa ang pagserbisyo sa katawhan nga nakabase dinhi sa syudad ug bisan sa lalawigan.
Gikalipay pag-ayo sa mayor ang laing kadaugan sa syudad nga gitambayayungan sa nagkadaiya usab nga mga buhatan sa kagamhanan.
Una niini,nakasulod sa top 22 ang Cagayan de Oro ug kabahin sa 10 ka mga particitipating highly urbanized cities nga gihatagan sa talagsaong pasidungog ning tuiga.
