CAGAYAN DE ORO CITY- Dili na angayang ipaubos sa state of calamity ang syudad tungod sa dakong bahad sa mga lamok nga nagdala sa sakit nga dengue.
Kini bisan nga mitala sa 16 ka tawo ang kumpirmadong namatay sukad Enero hangtod Agosto ning tuiga.
Miingon si City Information Office head Maricel Rivera nga sukad gilusad ang citywide clean up driver batok dengue,nabantayan usab ang paspas nga pag-ubos sa mga kaso niini.
Una nang gikompirmar ni City Health Office head Dr Fe Bongcas nga kapi’g 2-mil ang kaso sa dengue sa syudad apan wala na madugangi ang 16 ka nangamatay nga pasyente sugod Enero hangtod Agosto ning tuiga.
Dumduman nga mismo si City Mayor Oscar Moreno ug Vice Mayor Rainer Joaquin Uy ang nangulo sa citywide clean up drive aron batukan ang mga lamok sa syudad.
