PC: Owner
CAGAYAN DE ORO CITY-Dili pa mapaubos sa state of calamity ang syudad.
Kini bisan nga naigo sa grabeng pagbaha dala sa bagyong Vinta sa miaging adlaw.
Miingon si City Vice Mayor Rainer Kikang Uy nga gihulat sa CSWD nga final damage assessment gikan sa apektadong brgy ayha himua’g aksyon sa city council.
Una niini,anaa sa 13,000 ka pamilya o kapin 20-mil ka individual ang mibakwit sa luwas nga lugar tungod sa pag-awas sa Cagayan de Oro River.
Samtang gikalipay ni City Mayor Oscar Moreno nga nagpabiling zero casualty ang dakbayan sa kanhi pag-igo sa bagyong Vinta.
Kini human gikompirmar sa ni CDRRMD consultant Venner Monsanto nga pabiling walay natala nga residente nga missing o nakalas atol sa pagbaha sa syudad.
Gibutyag ni Moreno nga nagpakita lamang kini nga anaa na sa maturity ang CDRMMD ilabina sa pag-atubang sa mga dagkong pagsulay sama sa kalamidad ang syudad.
