CAGAYAN DE ORO CITY-Ilusad sa Office of the Civil Defense o OCD-10 ang simultaneous earthquake drill nga apilan sa mga tunghaan ug ubang ahensiya sa gobierno ning syudad unya sa hapon.
Gibutyag ni Philvolcs regional director Marcial Labininay nga katuyuan niini nga mahatagan sa ensaktong kahibalo ang publiko ilabina ang kabataan kon unsay angay buhaton kon mahitabo ang linog.
Una usab niini,giangkon ni Labininay nga dili makasugakod ang mga gambalay sa syudad kon ugaling moigo ang 6.7 magnitude nga linog dinhi sa rehiyon.
Hisayrang ang paglusad sa simultaneous earthquake ang pipila ka adlaw nga nakalabay gikan sa sunod-sunod nga pagtay-og sa linog sa Wao, Lanao del Sur ug Kalilangan,Bukidnon niadtong Setyembre 24 sa kadlawon.
