CAGAYAN DE ORO CITY- Gusto karon sa mga opisyal ug kapolisan nga hingpit malimpyuhan batok sa tigpayuhot sa ilegal nga droga ang 80 ka brgys sa dakbayan.
Kini ang hinungdan nga gipatawag sa konseho ang faith oriented groups,health professionals ug brgy officials aron maporma comprehensive plan alang sa tinguha nga anti-drug free Cagayan de Oro City.
Mismo si Kag Romeo Calizo,chairman sa komite on police,fire and public safety ang kumbinsido nga nag-minus na ang illegal drug pushers hinungdan nga naka-pokus na sila sa pag-atiman sa Tokhang surrenderees.
Kini ang hinungdan nga gipatawag ni Calizo ang Oro-wellness drug rehabilitation groups nga gilangkoban sa mga psychologist,doctors ug cause oriented groups.
Dakong hagit alang sa konseho ug sa kapulisan nga himoong “drug free city” ug mapatuman ang drug rehabilation sa kapin 15-mil ka Tokhang surrenderees sa syudad.
Gibutyag ni Cagayan de Oro City Police Office kon COCPO spokesperson C/Insp Mardy Hortillosa II nga gipatawag sila sa konseho aron muhatag update sa nahimong lakang sa PNP kalabot na sa pag-rehabilitar sa kapin 5 ngadto na’s 6-mil ka Tokhang surrenderees.
Wala pay labot niini ang update nga gipangayo ni Calizo sa faith based drug surrenderees ug kadtong ihap sa mga na Tokhang ubos sa Barangay Anti-Drugs Abused Council o BADAC.
Si Hortillosa mi-ingon nga posibleng makab-ot sa daghang barangay ang titulong “DRUG-FREE” hinungdan nga dili imposible nga malimpyuhan ang tibook syudad batok kuyanap pagamit ug pamaligya sa iligal iligal nga druga.
