CAGAYAN DE ORO CITY-Giwagtang sa PNP sa ilang listahan ang Cagayan de Oro City nga kabahin sa 35 ka lugar nga gipaubos sa hot spot areas sa Northern Mindanao.
Kini human mismo ang Commission on Elections o Comelec Northern Mindanao ug Police Regional Office
o PRO-10 ang supak nga malakip sa hot spot area ang syudad sa 2019 midterm elections.
Miingon si PRO-10 spokesperson Police Supt Surki Serenias nga gikan sa 35 ka lugar nga gi-rekomendar nila sa Camp Crame nga hatagan sa prioridad,lima ka lugar na lamang niini ang nabilin.
Sulti ni Serenias nga gihulat usab nila ang release order ni PRO- 10 regional director Police C/Supt Timoteo Pacleb alang sa anusnyo sa lima ka lugar sa rehiyon nga ubos sa hot spot category sa piliay ning tuiga.
Samtang gi-oktaba una sa Commission on Elections o Comelec ang lahugay sa ilang unom ka regional directors aron ibalhin sa lain-laing
lugar sa Mindanao.
Kini tungod kay pipila sa regional directors sa rehiyon ang wala pa mahuman sa ilang trabaho ilabina sa trainings sa mga personahe sa Comelec sa 2019 midterm elections.
Sumala ni incoming Comelec regional director Atty Jay Balisado, himoon ang sunod nga lahugay sa Pebrero 25 ning tuiga.Hisayran nga maoy hulipan ni Balisado si outgoing Comelec-10 Regional Director Atty Reynato Magbutay nga mabalhin sa General Santos City.
