CAGAYAN DE ORO CITY – Gitahasan na ni City Mayor Oscar Moreno si City Health Office head Dra Lorraine Nery nga makig-koordinar sa NMMC medical director Jose Chan alang sa plano nga pagpaubos sa syudad sa general community quarantine o GCQ.
Kini tungod sa nagka-grabe nga pagsaka sa COVID-19 cases sa dakbayan kada-adlaw tungod sa paghugak sa health protocols sa katawhan sa syudad.
Miingon si Moreno nga kon pabiling magmagahi ang publiko sa pagsunod sa gabayan nga gipatuman sa city govt,hayan mismo na ang IATF national ang mag-kontro sa quarantine status dinhi sa syudad.
Samtang isaka na sa yellow alert ang status sa J .R Borja City Hospital nga kabahin sa midawat sa mga pasyente nga positibo sa COVID-19.
Kini human puno na sa mga pasyente ang holding area tungod sa walay hunong nga pagsaka sa kaso sa bayrus sa syudad.
Gibutyag ni City Health Office head Dra Lorraine Nery nga napun-an ang mga pasyente sa maong ospital gumikan sa sunod-sunod nga local transmission sa coronavirus sa mga residente sa dakbayan.
Una nang area of concern ang Cagayan de Oro tungod sa daghang residente ang naigo sa bayrus sukad Marso hangtod ning adlawa.
