CAGAYAN DE ORO CITY – Halos wala nay hunong ang pagsaka sa ihap sa mga positibong kaso sa coronvirus disease sa dakbayan.
Kini human laing locally stranded individual ug returning OFW ang natakdan sa maong sakit samtang anaa sa temporary treatment monitoring facility sa syudad.
Miingon si city epidimiologist Dr Joselito Retuya nga hinoon pulos asintomatik ang duruha batok sa maong balatian.
Dugtong niini,anaa na sa 108 ang katibuk-ang kaso sa bayrus ang syudad.Samtang napun-an ang ihap sa mga pasyente nga naka-rekober gikan sa pagka-positibo sa coronavirus disease sa dakbayan.
Kini human negatibo sa ikaduhang swab test ang lima ka locally stranded individuals ug returning OFWs nga ubos sa pag-atiman sa syudad.
Miingon si Retuya nga kabahin sa mahimo nang makapauli sa ilang pamilya ang LSIs nga gikan sa Carmen,Camaman-an,Puerto,Balubal ug duha sa Balulang ning dakbayan.
Tungod niini,misaka na sa 32 ka pasyente ang nangulian sukad gipaubos sa pagtambal sa health experts sa syudad.
Dugtong niini,dili angay pasagdan apan paspasan nga gilayong masulbad ang local transmission sa coronavirus disease nga nagkatag dinhi sa rehiyon.
Nabalaka si Dept of Health 10 regional director Dr Adriano Suba-an nga mahitabo ang sustain community transmission kon dili epektibo ang pagtubag sa matag-local govt unit sa pagtinakdanay sa mga residente.
Gipabati ni Suba-an nga kahingawa tungod sa local transmissions diha sa Brgy 35 ning syudad,lungsod sa Naawan,Misamis Oriental ug sa Brgy Mahayahay,Iligan City.
Sa pikas bahin,mas prioridad ni City Mayor Oscar Moreno ang paghatag proteksyon sa kaluwasan sa panglawas sa katawhan batok coronavirus sa syudad.
Kini ang gipabati ni Moreno bisan kon nagka-grabe pagdako ang alkanse sa mga negosyo diin naka-apektar sa revenue collections sa dakbayan.
Namahayag ang mayor nga mas angay palig-unon ang panglawas sa katawhan kaysa ekonomiya.
Dumduman nga dili tiaw ang nadawat nga pagsaway ni Moreno kaniadto kay gitinguha niini nga mabalanse ang pagpanalipod sa panglawas sa katawhan ug ekonomiya sa dakbayan.
