CAGAYAN DE ORO CITY – Misaka pa ngadto sa 180 ka aktibong kaso sa positibong COVID-19 ang natala dinhi sa syudad.
Kini human napun-an sa duha ka returning OFW ug laing locally stranded individual o LSI ang kasong positibo sa syudad.
Miingon si city epidimiologist Dr Joselito Retuya nga kini gilakipan sa residente nga gikan sa Brgy Lapasan,Mambuaya ug Kauswagan ning syudad.
Nakasinati usab sa sintomas ang ika-180 ka pasyente nga gitutukan sa local health officials.Kasamtangang nagbaton sa 115 ka recoveries ang syudad ug pabiling pito ang death toll niini.
Sa pikas bahin,balik-operasyon ang provincial hospital nga unang temporaryong gipasirad-an subay sa protocol sa inter-agency task force diha sa lungsod sa Balingasag,Misamis Oriental.
Kini bisan dunay upat ka administrative staff nga positibo sa coronavirus disease sa miaging semana.
Miingon si MisOr Task Force COVID-19 chairman Dr Jerie Calingasan nga anaa na usab sa 110 ka positibong kaso sa bayrus ang probinsyan diin gilakipan sa 11 ka local transmission.
Una nang naka-lockdown ang porsyon sa Salay ug Balingasag tungod sa local transmission sa bayrus.
