CAGAYAN DE ORO CITY – Gihupay Si City Epidemiologist Dr Joselito Retuya ang kabalaka sa publiko tungod sa paspas nga pagsaka sa coronavirus disease ning syudad.Kini human napun-an sa walo ka bag-ong kaso sa bayrus ang syudad diin daghan niini local stranded individuals ug returning OFWs.
Miingon si Retuya nga kadaghanan sa maong mga pasyente ang wala makapaduol sa daghang tawo apan naka-kuwarantinas sa nagkadaiyang isolation facilities sa syudad.
Kabahin sa nadugang ang tulo ka residente sa Brgy Macabalan,tag-usa gikan sa Lumbia,Upper Balulang,Bonbon,Bulua ning syudad.
Bugtong ang ika-32 lamang sa maong mga pasyente ang natakdan dinhi sa syudad tungod sa ika-27 nga COVID-19 gikan sa Brgy Agusan sa syudad.
Samtang wala makapanagang si City Mayor Oscar Moreno sa paspas nga pagsaka sa positibong kaso sa COVID-19 sa local stranded individuals ug returning OFWs ning syudad.
Kini human pito ka LSIs ug OFWs ang positibo samtang laing usa ang natakdan sa maong sakit gikan sa pasyente diha sa Brgy Agusan ning syudad.
Miingon si Moreno nga bug-at ang maong suliran apan dili usab mahimo balibaran ang pagpanguli sa LSIs ug OFWs.
Tungod niini,nagbaton na ang syudad sa 39 ka positibong kaso sa bayrus gikan Enero hangtod Hunyo ning tuiga.
