CAGAYAN DE ORO CITY – Misaka pa ngadto sa 613 ka kaso sa COVID-19 ang natala sa dakbayan.
Kini human kompirmaha ni City Health Office head Dra Lorraine Nery nga dugang 28 ka bag-ong kaso sa bayrus ang natala sa syudad.
Gibutyag ni Nery nga sa 613 ka kaso,26 kanila ang kompirmadong namatay samtang 221 na lamang ang aktibo nga gihatagan sa medikasyon.
Misaka pa usab sa 366 ka pasyente ang naka-rekober batok sa maong sakit.
Samtang gipaubos sa local lockdown ang lima ka bag-ong lugar tungod sa local transmission sa COVID sa dakbayan.
Kini human nasudlan sa bayrus ang duha ka lugar sa Brgy Lapasan,Brgy 15 ug laing duha ka zone sa Brgy Kauswagan ning dakbayan.
Gibutyag ni CDRRMD head Nick Jabagat nga ubos sa 14 ka adlaw nga focused containment,walay gitugtan nga mga residente sa maong mga lugar nga makagawas aron pugngan ang pagkatag pa sa bayrus.
