CAGAYAN DE ORO CITY – Gahinan sa city govt sa balor 300 hangtod tunga sa bilyon ka pesos ang vaccination program nga gitumong alang sa katawhan sa dakbayan.
Kini human nauyunan sa IATF national ug liga sa mga mayores sa nasud nga moabag sila kuyog ang pribadong sektor aron magbaton sa dugang bakuna aron mas mapalig-on ang pagbatok sa COVID-19.
Miingon si City Mayor Oscar Moreno nga mohimo kini’g pakigtagbo sa daghang sektor sa syudad aron tukion ug mahan-ay ang direksyon ug prioridad sa maong programa.
Dumduman nga unang gisalig sa syudad sa national govt ang pagbaton sa mga bakuna ug dili uyon nga mag-iya iya ang matag-local govt units kay malupig ang ubang lugar nga minus lamang ang kinitaan.
