CAGAYAN DE ORO CITY – Pun-an sa laing napulo ka ‘high flow oxygen’ ang paliton sa city govt aron ipagamit sa mga pasyente nga positibo sa COVID-19 dinhi sa dakbayan.
Kini ang kabahin sa nakita ni City Mayor Oscar Moreno nga paagi aron mas motaas ang tsansa sa mga pasyente nga maka-rekober batok bayrus samtang naka-confine sa nagkadaiyang ospital sa syudad.
Miingon ang mayor nga kon kinsa usab kadtong makadonar sa maong hospital equipment,bukas ang city hall pagdawat niini aron madugangan ang kagamitan alang sa mga pasyente.
Hisayrang abli na si Moreno nga ipaubos sa lockdown ang syudad kon dili na kapugngan ang pagsaka sa kaso sa bayrus dinhi sa dakbayan.
